Munosabat
Ijtimoiy tarmoqlardan kelib tushayotgan murojaatlar bo‘yicha “O‘zbektelekom” AK Axborot xizmati tomonidan doimiy o‘rganishlar olib borilmoqda.
Jumladan, ijtimoiy tarmoqda “HURRIYAT_UZ” Telegram kanali orqali fuqaro hisobiga qo‘shimcha xizmatlar ulanib qolayotganligidan shikoyat qilib murojaat yo‘llagan.
Mazkur murojaat bo‘yicha Kompaniya Axborot xizmati quyidagilarni ma’lum qiladi. Ya’ni, bunday omillar odatda biror bir kontent-xizmatidan foydalanganligi sababli yuzaga kelishi ehtimoli mavjud. Shunga ko‘ra, Kompaniya abonentlarga biror bir kontent-xizmatidan ma’lum bir muddat bepul foydalanish aksiyasi doirasida ulanishdan avval, keyinchalik bu xizmat pullik bo‘lishini esdan chiqarmasliklarini eslatib o‘tadi! Biroq, har qanday xizmatga ulanish vaqtida abonentdan pul mablag‘lari yechilmaydi.
Mobil operator tomonidan abonentlarning xohishisiz hech qanday kontent-xizmatlari avtomatik tarzda ulanmaydi va bunga yo‘l qo‘yilmaydi!
Xizmatlarga obunani bekor qilish usullari:
Shikoyatlarni kamaytirish, shuningdek, abonentlarga kontent xizmatlaridan obunani bekor qilish uchun shart-sharoit yaratish maqsadida, aloqani uzishning quyidagi usullari mavjud: - SMS orqali – STOP1 buyrug‘ini ulangan xizmatning qisqa raqamiga yuborilgan holatda ulangan xizmatni o‘chirish mumkin;
- USSD orqali – *199# terib qo‘ng‘iroq tugmachasini bosganda barcha Kontent xizmatlarini o‘chirish uchun;
Mazkur holat bo‘yicha abonentga zaruriy tushunchalar berildi.