Timur Mashrabjonovich Mamadjanov

O‘zbekiston Respublikasining davlat tili o‘zbek tilidir

2026-10-20T10:20:02.186Z

“O‘zbekiston Respublikasining davlat tili o‘zbek tilidir”.

O‘zbekiston Respublikasining “O‘zbekiston Respublikasining davlat tili haqida”gi Qonuni, 1-modda.

O‘zbekiston Respublikasining “O‘zbekiston Respublikasining davlat tili to‘g‘risida”gi Qonuni 1989-yil 21-oktabrda qabul qilingan.

1995-yil 21-dekabrda esa “O‘zbekiston Respublikasining davlat tili haqida”gi Qonunga o‘zgartishlar va qo‘shimchalar kiritish to‘g‘risida O‘zbekiston Respublikasining (yangi tahrirdagi) Qonuni qabul qilingan.

Yangi Qonunga kiritilgan o‘zgartishlar va qo‘shimchalar davlat tilining e’tibori va nufuzini yanada mustahkamlashga xizmat qiladi.

Misol uchun, O‘zbekiston Respublikasining “O‘zbekiston Respublikasining davlat tili to‘g‘risida”gi Qonunining:

9-moddasida:

“O‘zbekiston Respublikasi davlat hokimiyati va boshqaruv organlari umumittifoq tashkilotlari bilan munosabatlarda millatlararo muomala tilini qo‘llaydilar.

Ittifoqdosh va avtonom respublikalar, shuningdek, xorijiy davlatlar bilan bo‘ladigan aloqalarda taraflar uchun maqbul til qo‘llanadi”, deb belgilangan bo‘lsa,

Yangi tahrirdagi Qonunda ushbu moddaga:

9-modda.

“Davlat hokimiyati va boshqaruv organlarida ish davlat tilida yuritiladi va zaruriyatga qarab boshqa tillarga tarjima qilinishi ta’minlanadi.

O‘zbekistonda o‘tkaziladigan xalqaro anjumanlarda davlat tili, shuningdek, qatnashchilarning o‘zlari tanlagan tillar anjumanning ish tili hisoblanadi”, deya o‘zgartish va qo‘shimchalar kiritilgan.

2020-yil 10-aprelda Prezidentimiz tomonidan mamlakatimizda ona tilimiz va uni asrab-avaylash borasida yana bir ezgu tashabbus ilgari surildi va O‘zbekiston Respublikasining “O‘zbek tili bayrami kunini belgilash to‘g‘risida”gi O‘RQ-615-son Qonuni qabul qilindi.

Bu o‘z o‘rnida o‘zbek tili – davlat tiliga bo‘lgan yuksak e’tiborning yorqin ifodasi bo‘ldi.

“O‘zbektelekom” AK Axborot xizmati

Munosabat

2026-10-16T18:09:01.903Z

"Oʻzbektelekom" AK Axborot xizmati tomonidan ijtimoiy tarmoqlardan kelib tushayotgan murojaatlar boʻyicha doimiy oʻrganishlar olib borilmoqda.

Jumladan, fuqaro ijtimoiy tarmoqda Kompaniya xizmatlariga oid murojaat qoldirgan.

Mazkur murojaat aniqlanishi bilan tezkor nazoratga olinganligi bildiriladi. Ishlar natijasi boʻyicha qoʻshimcha maʼlumot beriladi.

"Oʻzbektelekom" AK Axborot xizmati

“O‘zbektelekom” AKda korrupsiyaga qarshi kurashish doirasida

2026-10-16T11:21:35.990Z

Bugun mamlakatimizda jamiyat taraqqiyotiga to‘siq bo‘luvchi har qanday holatga qarshi tizimli ishlar amalga oshirilmoqda. Xususan, taraqqiyot kushandasi hisoblanuvchi korrupsiyaga qarshi kurashish borasida ham.

2017-yil 3-yanvarda qabul qilingan O‘zbekiston Respublikasining “Korrupsiyaga qarshi kurashish to‘g‘risida”gi O‘RQ-419-son Qonuni hamda Prezidentimizning tegishli farmoniga muvofiq tashkil etilgan O‘zbekiston Respublikasi Korrupsiyaga qarshi kurashish agentligining faoliyati bu borada muhim dasturilamal bo‘lmoqda.

Aytish joyizki, qonunchilikda belgilangan vazifalar ijrosini ta’minlash maqsadida “O‘zbektelekom” aksiyadorlik kompaniyasida ham korrupsiya holatlarining oldini olish va ularga qarshi kurashish bo‘yicha samarali ishlar olib borilmoqda.

Jumladan, Kompaniya tarkibida “komplaens-nazorat” – korrupsiyaga qarshi ichki nazorat tuzilmasi tashkil qilingan. Shuningdek, tizimdagi korrupsion xatti-harakatlar haqida xabar berish uchun maxsus aloqa kanallari yaratilgan. Ya’ni: ishonch telefon raqami, elektron pochta, Telegram bot va Kompaniyaning rasmiy veb-sayti orqali murojaat yuborish mexanizmlari joriy qilingan.

Mazkur aloqa kanallari orqali anonim murojaat yuborish imkoniyati ham mavjud. Qolaversa, murojaat turidan qat’iy nazar, murojaatchining ma’lumotlari sir saqlanishi Kompaniya tomonidan kafolatlanadi.

Bundan tashqari, faoliyat davomida yuzaga keladigan ish jarayonlarini tartibga soluvchi qator ichki hujjatlar ishlab chiqilgan. Xususan, “Ishga qabul qilinayotgan nomzodlarni tekshirish bo‘yicha Yo‘riqnoma”, “Xodimlarning korrupsiyaviy xatti-harakatlari va odob-ahloq qoidalarini buzish holatlari ustidan xizmat tekshiruvlari o‘tkazish bo‘yicha Reglament”, “Kontragentlarni tekshirishga oid Yo‘riqnoma”, “Aloqa kanallari orqali korrupsiyaviy xatti-harakatlar to‘g‘risida kelib tushgan xabarlarni qabul qilish va ko‘rib chiqish bo‘yicha Reglament”lar shular jumlasidandir.

Shu bilan birga, Kompaniya tomonidan tuziladigan barcha shartnomalarga korrupsiyaga qarshi kurashish shartlari kiritilgan. Shuningdek, manfaatlar toʻqnashuvini tartibga solish uchun Kompaniya xodimlari tomonidan har yili deklaratsiya to‘ldirilib, tahlil qilib boriladi. Qolaversa, mavzu doirasida xodimlarining huquqiy bilimlarini oshirish maqsadida belgilangan reja asosida doimiy ravishda seminar-treninglar o‘tkazib kelinadi.

“O‘zbektelekom” AK Axborot xizmati

“O‘zbektelekom” AK tomonidan joriy yilning 9 oyi davomida amalga oshirilgan ishlar Kompaniyaning Axborot xizmati tomonidan muntazam yoritib borildi

2026-10-15T09:51:33.328Z

“O‘zbektelekom” AK Axborot xizmati

Munosabat

2026-10-14T19:06:52.391Z

"Oʻzbektelekom" AK Axborot xizmati tomonidan ijtimoiy tarmoqlardan kelib tushayotgan murojaatlar boʻyicha doimiy oʻrganishlar olib borilmoqda.

Jumladan, fuqaro Facebook tarmogʻi orqali Farg‘ona viloyati So‘x tumani hududida mobil aloqa interneti sifati muammolar yuzaga kelayotganligini ta’kidlab murojaat qoldirgan.

Mazkur murojaat aniqlanishi bilan tezkor nazoratga olinganligi bildiriladi. Ishlar natijasida hududdagi mutaxassislar murojaatchi xonadoniga borib, mavjud muammoni bartaraf etganligi ma’lum qilinadi.

"Oʻzbektelekom" AK Axborot xizmati

Munosabat

2026-10-14T07:24:03.651Z

“O‘zbektelekom” AK Axborot xizmati ijtimoiy tarmoqlar va boshqa ochiq manbalar orqali Kompaniya tomonidan taqdim etilayotgan xizmatlar yuzasidan kelib tushayotgan murojaatlar bo‘yicha doimiy monitoring va o‘rganish ishlarini olib bormoqda.

Jumladan, ijtimoiy tarmoqdagi rasmiy manbalarda “Telecom Soft” MChJ tomonidan “Yo‘l harakati qoidalarini avtomatlashtirilgan nazorat qilish tizimlari uchun qurilmalarni xarid qilish” loyihasi doirasida o‘tkazilgan tenderda g‘olib tashkilotlarning bir manzilda joylashganligi ta’kidlangan ma’lumot e’lon qilingan.

Mazkur murojaat bo‘yicha Kompaniya Axborot xizmati quyidagilarni ma’lum qiladi. Ya’ni, “Telecom Soft” MChJ rasmiylari ma’lumotiga ko‘ra, haqiqatan ham, ushbu holat yuzasidan qo‘shimcha o‘rganishlar olib borilganda, ishtirokchilar o‘rtasida o‘zaro bog‘liqlik va raqobat tamoyillariga zid bo‘lishi mumkin bo‘lgan holatlar aniqlangan.

O‘z o‘rnida, “Telecom Soft” MChJ davlat xaridlarini qonunchilik talablariga qat’iy rioya etgan holda, shaffoflik, xolislik va adolatli raqobat tamoyillari asosida amalga oshirishga ustuvor ahamiyat qaratadi.

Shunga ko‘ra, mazkur holatlar Kompaniyaning xarid komissiyasi tomonidan atroflicha ko‘rib chiqilib, 2026-yil 13-oktabrdagi qarorga muvofiq tanlov natijalari bekor qilinganligi ma’lum qilinadi.

“O‘zbektelekom” AK Axborot xizmati

Munosabat

2026-10-14T07:11:51.301Z

Jumladan, joriy yilning 14-oktabr kuni “Kun.uz” rasmiy saytida “Telecom Soft” MChJ tomonidan “Yo‘l harakati qoidalarini avtomatlashtirilgan nazorat qilish tizimlari uchun qurilmalarni xarid qilish” loyihasi doirasida o‘tkazilgan tenderda g‘olib tashkilotlarning bir manzilda joylashganligi ta’kidlangan ma’lumot e’lon qilingan.

Mazkur murojaat bo‘yicha Kompaniya Axborot xizmati quyidagilarni ma’lum qiladi. Jamiyat tomonidan avtomatlashtirilgan nazorat qilish tizimlari uchun qurilmalar xarid qilish bo‘yicha o‘tkazilgan tanlov atroflicha o‘rganib chiqilgan va tanlov ishtirokchilari o‘rtasida o‘zaro bog‘liqlik (affillanganlik) hamda muvofiqlashtirilgan harakatlarni amalga oshirish alomatlari mavjudligini inobatga olib, Xarid komissiyasi mazkur xarid natijalarini bekor qilish to‘g‘risida qaror qabul qilgan.

“Telecom Soft” MChJ davlat xaridlarini qonunchilik talablariga qat’iy rioya etgan holda, shaffoflik, xolislik va adolatli raqobat tamoyillari asosida amalga oshirishga ustuvor ahamiyat qaratadi.

Shunga ko‘ra, mazkur holat atroflicha o‘rganilib, 2026-yil 13-oktabrda Xarid komissiyasi tegishli qarori bilan tanlov natijalari bekor qilinganligi ma’lum qilinadi.

“O‘zbektelekom” AK Axborot xizmati

Munosabat

2026-10-13T02:48:11.884Z

"Oʻzbektelekom" AK Axborot xizmati tomonidan ijtimoiy tarmoqlardan kelib tushayotgan murojaatlar boʻyicha doimiy oʻrganishlar olib borilmoqda.

Jumladan, ijtimoiy tarmoqdagi "Revizor" Telegram kanali orqali kompaniya xizmatlariga oid murojaat eʼlon qilingan.

Mazkur murojaat aniqlanishi bilan tezkor nazoratga olinganligi bildiriladi. Ishlar natijasi boʻyicha qoʻshimcha maʼlumot beriladi.

"Oʻzbektelekom" AK Axborot xizmati

Munosabat

2026-10-12T06:29:36.104Z

"Oʻzbektelekom" AK Axborot xizmati tomonidan ijtimoiy tarmoqlardan kelib tushayotgan murojaatlar boʻyicha doimiy oʻrganishlar olib borilmoqda.

Jumladan, fuqaro Kompaniyaning Facebook tarmogʻidagi texnik qo‘llab-quvvatlash guruhi orqali Kompaniya xizmatlariga oid murojaat qoldirgan.

Mazkur murojaat aniqlanishi bilan tezkor nazoratga olinganligi bildiriladi. Ishlar natijasi boʻyicha qoʻshimcha maʼlumot beriladi.

"Oʻzbektelekom" AK Axborot xizmati

Uztelecom yangi Salom Pro tarifini taqdim etadi

2026-10-10T07:45:11.131Z

Uztelecom yangi Salom Pro tarifini taqdim etadi: YouTube, Telegram va yana 3 ta xizmat uchun cheksiz internet, cheksiz qo‘ng‘iroqlar hamda 100 GB internet!

Agar mobil internetingizning katta qismi video tomosha qilish, musiqa tinglash va muloqot uchun sarflansa, Salom Pro sizga sevimli xizmatlardan asosiy internet-paketni sarflamasdan foydalanish imkonini beradi.

Oyiga 80 000 so‘m evaziga:

🌐 100 GB internet
📞 Cheksiz qo‘ng‘iroqlar
💬 1000 SMS
📺 TelecomTV: 120 ta telekanal + Milliy obunasi

Eng muhimi — bir vaqtning o‘zida 5 ta UNLIM imkoniyati:

▶️ YouTube Unlim — YouTube’ni asosiy internet-paketni sarflamasdan tomosha qiling
🎧 Musiqa Unlim — Spotify, Apple Music va Yandex Music’dan cheksiz foydalaning
💬 Messenjerlar Unlim — Telegram, WhatsApp, WeChat va Viber’dan cheksiz foydalaning
🌙 Tungi Unlim — tunda mobil internetdan cheksiz foydalaning
📞 Daqiqalar Unlim — cheklovlarsiz suhbat qiling

Ya’ni 100 GB internet saytlardan foydalanish, ilovalar, ijtimoiy tarmoqlar va boshqa ehtiyojlaringiz uchun saqlanib qoladi, har kuni foydalanadigan xizmatlaringiz esa CHEKSIZ bo'ladi, ya'ni asosiy internet-paketdan trafik sarflanmaydi.

🎁 Salom Pro’ning yangi abonentlari uchun yana ikkita foydali taklif:

📱📱 1+1 — qo‘shimcha SIM-karta
Qo‘shimcha SIM-kartaga ega bo‘ling va uning birinchi oy uchun abonent to‘lovini bepul oling.

💥 200 GB gacha bonus internet
Tarif uchun 2- va 3-oylarda abonent to‘lovini o‘z vaqtida amalga oshiring va har bir oy uchun 100 GB dan bonus internet oling. Jami — 200 GB gacha qo‘shimcha internet.

"Oʻzbektelekom" AK Axborot xizmati