Munosabat
“O‘zbektelekom” AK Axborot xizmati ijtimoiy tarmoqlar va boshqa ochiq manbalar orqali Kompaniya tomonidan taqdim etilayotgan xizmatlar yuzasidan kelib tushayotgan murojaatlar yuzasidan doimiy monitoring va o‘rganish ishlarini olib bormoqda.
Jumladan, ijtimoiy tarmoqda “Sanjar Karimberdiyev | Blog” Telegram kanali orqali fuqaro taqdim etilayotgan xizmatlar yuzasidan ariza qabul qilishda duch kelgan holati bo‘yicha murojaat yo‘llagan.
Mazkur murojaat aniqlanishi bilan Kompaniya Axborot xizmati tomonidan tegishli bo‘linmaga xabar berilgan. O‘z o‘rnida bo‘linma mutaxassislari tezkorlik bilan murojaat e’lon qilingan kanal mas’ullariga qayta aloqaga chiqishgan va zaruriy qo‘shimcha ma’lumotlarni taqdim etishi so‘ralgan.
Murojaat nazoratga olingan, holatga oydinlik kiritilishi bilan ishlar bo‘yicha qo‘shimcha ma’lumot beriladi.